دزابل ولایت کي داشغالګرو ځواکونو دجاسوسي شبکې غړی او پخواني کمونیست جیلاني فراهي ادعاکړې چي په زابل شاجوی کي یې عملیات پیل کړي او ددوئ په وینا لاس ته را وړنې هم لري.

جیلاني چي له کمونسیتي پیرنه دزابل له مجاهد اوغیرتي اولس سره دکینې او عناد سابقه لري او له ډیر وخت راهیسي په یوه او بل نامه دزابل دعام اولس دزورولو پلمې جوړوي، څو څو ځله یې دا کوښښ کړی چي یوې یا بلې ولسوالۍ ته دعملیاتو په نوم ووزي خو واقعیت دادۍ چي دی او دده اوباشان هر ځل په هغو سیمو کي دخلکو دشتمني دلوټلو اوداولس دزورونې لکه پر موټر سائکلونو بندیز او دعامو خلکو راوړل او بیا دډیروپیسو په بدل کي بیرته خوشی کولو په غرض داسي څه کول غواړي او بیا ورباندي دعملیاتو نوم ږدي .

جیلانی خان له رسنیو سره دخبرو په مهال ادعا کړې چې دمرکز مربوط دنارینک په سیمه کي یې دعملیاتو په ترڅ کې یو تن مجاهد نیولی ، خو له سیمې نه دمجاهدینو له لوري په ورکړل شویو معلوماتو کې ویل شوي چې نیول شوی کس مجاهد نه بلکې دمحمد سعید په نوم عام کلیوال دی ، چي په نوموړې سیمه کي یې داولاد دپاره دیوې مړۍ دموندنې په موخه په مزدوري دکاریز کیندنې کار کاوو اوله خپل کورنه یې ورته پر موټرسائکل تګ را تګ کاوو ، همداراز نوموړي ادعا کړې چې دشاه جوي په ولسوالي کې یې دطالبانو په ضد عملیات په کامیابي روان دی ، خو له سیمې نه ترلاسه شوي خبرونه وايی چې تیره ورځ د شاجوی په شوبارسیمه کي مجاهدینو دعسکرو په څو موټریزه قوه پراخ وسلوال برید ترسره کړ چې په نتیجه کې یې په اصطلاح دتروریزم مدیر شفیق الله په شمول ۶ تنه عسکر ووژل شول او همدا راز یو پوځي موټر یې هم د درنو وسلو په ډزو کې لګیدلی او تخریب شوي دی ، راپور زیاتوي دښمن له درنو تلفاتو لیدلو وروسته له سیمه په تیښته وتلي او سیمه یې خالي کړې ده.

قاري محمدیوسف احمدي داسلامي امار ت ویاند2014/1/26م ۱۴۳۵/۳/۲۵هق